||వానాకాలం||

కొన్ని చినుకులూ కొంత వాన, చెదిరిపోతున్న చూరులో పిచ్చుకలు చూసాక
వాటి అరుపులకు అల్లాడిపోయే దానిపేరు మా అక్క.

పుస్తకం చింపి పడవచేసిన తమ్ముణ్ణి కొట్టే నాకు
రేపు వరదొస్తే, చెరువు గండికాడ చేపలు పట్టాలనే కల.

పుల్లలు దాచుకునే అమ్మకి
గేదెల్ని లోపల కట్టేసే నాన్నాకీ ఎప్పుడన్నా బయమేసిందో లేదో గానీ
మట్టిపొయ్యి తడిసి అంటుకోక మా అమ్మ పడే యాతనే మా అందరి వానాకాలం

వ్యాఖ్యలు

వ్యాఖ్యను పోస్ట్ చెయ్యండి

ఈ బ్లాగ్ నుండి ప్రసిద్ధ పోస్ట్‌లు

కనీసం

షేరాటో

అలగ్ అలగ్